Më falni – Rrahim Billa
Më falni
Më falni nëse jam si tepër kritik
Se e dua shumë unë kombin tim
Vargu ka një qëllim të lartë , fisnik
Shqiponja nuk vdes , në fluturim
Ato pak gjëra që janë bërë mirë
E kanë gojën e ato fllasin vetë
Ndjejmë krenari dhe me pahirë
Dua kombi im , shkëlqim të ketë
Vargjet buronin , të ëmbla si mjalti
Në çdo lule do t’mblidhnja nektar
Në vijën e parë , nëse do të ishte
Ai kombi i zemrës , kombi shqipëtar
Dijet e kultura , nuk janë me pronar
Pronë tënden i ke , kur i përvetson
Kombin që i mbart , ato bëjnë krenar
Për kombet e tjerë , ndriçim rrezaton
Ndriçim rrezatues , kombit i uroj
Natën ditë ta bëjmë , për ta arritur
Shpirti lumturohet , dhe atje në varr
Kur sheh kombin tënd duke ndritur
18 / 7 / 2020
Rrahim Billa
Të gjitha të drejtat e autorit
janë të rezervuara.