V j e sh t a – Fetah Maliqi

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

V j e sh t a

Sa shpejt kaloi vera
Zogjtë më s’këndojnë,
Radhitur njëri pas tjetrit,
Nisin e larg shtegtojnë!

Fillojnë retë t’grumbullohen,
Natyra merr me shumë ngjyra,
Gjithçka fillon e ndërron dukje,
Ndërrimeve nuk u duhet pasqyra.

Fillojnë bujqit e mbledhin frutat
Tokën duke e mbjellë përsëri,
Era sikur përditë egërsohet,
Na sjell shumë mjegulla e shi.

Dita shkurtohet e shkurtohet
Sa lind dielli, kur mbrëmbja bjen,
Në majë malesh do bardhësi
Nuk shihet as se nga vjen!

Veshur me rroba të trasha
Dhomat i duam me ngrohtësi,
Po gëzimet sikur na shtohen,
Në hap me kohën ecim përsëri..!

01.10.21
Hamburg