Balotazhi – Sevdail Hyseni

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Satirike

BALOTAZHI

Do t’i ngasin pelat
Burrat e mejdanit,
Për t’i shtrirë këmbët
Përjashta jorganit!

Ndonëse gjatë votimit
Premtimet pinë ujë,
Ndokujt dhe jorgani
Do t’i dalë mbi gju’j!

Tani këmbë zhveshur
Nuk e kanë aq lehtë,
Të ngjiten pushtetit
Me shumë marifet!

Nëpër këto procese
Me vlera shoqërore,
Vetëm qytetarët
Ngelin pa favore!

Ata japin votën
Për mirë e mbarë,
Dhe për katër vjet
Na mbeten guxharë!

Për fund dhe satira
E nxjerr një mesazh,
Hilet më të mëdha
Ndodhin n’balotazh!

Në zgjedhje fitojnë
Ata që kanë “fat”,
Me xhepat e thellë
Dhe gjuhën e gjatë!

Spica Metalike
(Karikatura e përpunuar, marrë nga interneti)