Elegjike (Mjeshtrit Arben Duka) – Sevdail Hyseni

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Satirike

ELEGJIKE
(Mjeshtrit Arben Duka)

Kur u nda nga jeta
Mjeshtri Arben Duka,
Mbi krahët e çmimit
Hip kripa edhe buka!

Tani edhe gjellët
Do t’mbeten pa shije,
S’e kemi humorin
Që na bënte hije!

Aq më pak satirën
E pastër biluri,
Na bënte të qeshur
Kur na ikte truri!

N’shoqërinë e mbarsur
Nga huqet e veset,
S’e kemi Arbenin
Për t’na zbutur streset!

Na mungon miku
S’e kemi të lehtë,
Për t’i zbutur nervat
Kur jemi n’siklet!

Në kohën e sodit
Notojmë mbi lavdata,
E dallojmë mes veti
Si dita e nata..!

Por, i dashuri ynë
Na la trashëgim,
Vepra me vlera
E me shumë frymëzim!

Sa herë t’i lexojmë
Satirat e Dukës,
Që e kanë lezetin
Si shija e bukës!

Do ta mbajmë mend
Satirikun meritor,
Kur jemi në qejf,
Kur s’jemi n’humor!

Spica Metalike
(Foto nga interneti)