Moj ditë vere në Elbasan – Zoica Gjolla Popi

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Miqtë e mi të mirë!
Gezuar Diten e Verës!
Paçit shendet, mbaresi, lumturi e plot begati në familjet tuaja!
Lule ju bëftë jeta! Urime!🌹🌷🌺🙏

MOJ DITË VERE NË ELBASAN

Shpërthe në lindje moj ditë vere
lëre hënën lehonëplotë
gjer tej në namazgja
lule bliri kundërmojnë.

Për kokën tënde Elbasan
ç’e ke këtë bukuri të rrallë
lule limoni e portokaj
sythe hurmash sapodalë.

Ullishta e gjelbëruar
si kurorë ç’të paska hije
gurë gurë kala zbuluar
seç dëgjoj zëra kumrie.

Tek dy çezmat e kalasë
etjen kam për ta shuar
si melodia e Isuf Myzyrit
dashuri shpirt përvëluar.
.
Moj ti karakafte e çelur
vishnje në lejla ke marrë
shkulma këtë mall prej shpirtit
bëmë të qeshë, bëje behar!
Poezi
( Nga libri “ I Larë Me Yjet”