Mësues-Ikonë respekti – Drita Haxhillari

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Mësues-Ikonë respekti.

Tempull i shenjtë,yllësi për ne,
në kohëra moderne dhe antike,
dorë e ngrohtë në A-B-C dhe 1-2-3,
Diell dije,buzëqeshje e ç’do dite.

Mësues-përkulem me krenari,
për ju-muzë e artë mendimi,
na injektuat mirësi dhe dashuri,
në sytë tuaj-busull orjentimi…

Para jush-varfërohem në fjalë,
ndrojtur,risjell kujtime ndër vite..
mbështjellë në nostalgji dhe mall,
si prind i dytë,na deshe,na rrite.

Ende ndihem fëmi,si dikur…
brishtësi,në ndjenjë pafajësie,
ruaj në ç’do qelizë,nën lëkurë,
arkivë të artë në formim e dije.

Mirënjohje-simbol në udhërrëfime,
mantel fisnikërie-qofsh i bekuar,
lulëzim pranvere në zemrën time,
ikonë respekti-7 Marsin Gëzuar !

© Drita Haxhillari.
Të gjitha të drejtat e autorit janë të rezervuara
Dt:07.03.2022