Zorra qorre – Sevdail Hyseni

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Satirike

ZORRA QORRE

Një mjek specialist
Del me një zbulim:
– Shëroj zorrën qorre
Lehtë, pa operim!

Kjo është e pamundur
Thonë mjekët e tjerë,
Shpikja e shpifur
Qenka e pa vlerë!

Na jepni të paktën
Një provë si dëshmi,
Se si pacientin
Na e shëron Ti?!

Së pari të sëmurin
E mësoj çdo mëngjes,
Për t’ngrënë një javë
Spinaq me vezë!

Në ditën e tetë
Nuk ndalem me kaq,
E ndërroj terapinë
I jap veç spinaq!

Ngre kokën zorrë-qorrja:
– Ku janë vezët o zuzar?
Unë me një goditje
E nxjerr si litar..!