Rrëzohemi si fëmijë – Xhevdet Bajraj

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Sugjeruar nga Xheva Salihaj

RRËZOHEMI SI FËMIJË

Jehona e hapave që ikën
na i zbardh qimet e flokëve
të lyera
me jargë kafshe ballkanike

Rrugëve të qytetit
rrëzohemi si fëmijë
e çohemi si pleq
sa për t´i bërë varret me shenjë

Nuk është natë
por lakuriqët fluturojnë
pas shijes së gjakut të krimbur
që le pas vetes grigja politike

Në zemër të qytetit
gomerët kullosin e bëjnë dashuri
nën qiellin e stërmbushur me flutura
të shumuara nëpër varret tona

Xhevdet Bajraj
Copa ime e qiellit, KOHA, 2015