Në Ditën e poezisë – Sami Sherifi

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Sugjeruar nga Xheva Salihaj

Sami Sherifi

NË DITËN E POEZISË

Në Ditën e poezisë
Fjala shqipe
E gjuha e Nënës së shenjtëruar
Rrugëve të Shkupit përbuzet
Në lagjen time
Pëllumbat e bardhë
Mbi pullazet e shtëpive
Gjuhen me gur
Dallëndyshet të trishtuara ndjehen
Në të njejtën kohë
Kafeneve të qytetit
Dita e poezisë festohet
Për një varg të shkruar
Një kafe të falin
Rrugët e qytetit
Me poetë të lënduar
E pëllumba të vrarë
Mbushen
Fjala e lirë shqipe
E poezia
Tjetërsohet !

Sami Sherifi