Kur ti nuk vjen – Bujar Salihu

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

KUR TI NUK VJEN
Kur ti nuk vjen
Unë ndjehem njeriu më i harruar i këtij qyteti

Kur ti nuk vjen
Shtratin tim e mbërthen vaji plot dënesa

Kur ti nuk vjen
S’mund t’i mbyll sytë drita jote më mban zgjuar

Kur ti nuk vjen
Litari i vetmisë zgjatet duke më shtrënguar

Kur ti nuk vjen
Trupi më ndizet flakë nga trishtimi

Kur ti nuk vjen
Unë zgjohem me shtratin tim të squllur

E dashur
Mos më lër vetëm
Se ky mund të jetë mëkati yt i pafalshëm