Loti i jetës time – Avni A. Neziri

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Loti i jetës time
Avni A. Neziri

Loti tretë shkëmb
shterrë e tha dete
me befasi jete
flas vet‘m për vete

nuk m‘bëjnë këmbë
zemra rrahë rëndë
gjak m‘ashtë ba loti
s‘kthej gzofin si moti

lulet e pa vesë
ky qiell shpresë zi
dallgët n‘qepallë
hëna akull ngri

shpinë kërrusun
rrezet m’rëndojnë
nga dëshira e malli
m‘flet me rrudha balli.