Lutje Bogdanit – Fran Tanushi

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

LUTJE BOGDANIT

Imzot beko Prishtinën
siç e bekove atëherë
në natën e thikave të përgjakura

kryqëzorët e qytetit
vrojtojnë ardhjen tënde

një gurapesh larg
vendrënies sate
idoli e adhuruesi në bronz qëndrojnë

në godinën e Dardanisë së Re
e bekojnë gurin
për të gdhendur me emrin tënd

Imzot beko Prishtinën
emrin tënd dhuroja…
që të themi se këtu ishim

(shkarpa)